मतदार व्हायचंय, नाव नोंदणी करा!

पुणे - जिल्ह्यातील नवमतदारांची संख्या वाढविण्याच्या हेतूने जिल्हा प्रशासनाने या महिन्यातील प्रत्येक रविवारी विशेष मोहिमेचे आयोजन केले आहे. त्यानुसार जिल्ह्यातील प्रत्येक मतदान केंद्रांवर नागरिकांना मतदार यादीत नाव नोंदविणे, नाव-पत्यांमधील दुरुस्ती अथवा दुबार नावे वगळता येणार आहे. ही मोहीम रविवारपासून (ता. ७) सुरू होणार आहे. जिल्हा प्रशासनाच्या या मोहिमेमुळे अधिकाधिक नवमतदारांची नावे यादीत समाविष्ट होण्यास मदत होणार आहे.