भाजपवर महापालिका प्रशासन मेहेरबान

पिंपरी – राष्ट्रवादीच्या हल्लाबोल कार्यक्रमाचे पिंपळे गुरव येथील फ्लेक्‍स बेकायदेशीर ठरवत ते कार्यक्रमापूर्वीच तत्काळ काढून टाकण्याची तत्परता महापालिका प्रशासनाने काही दिवसांपूर्वी दाखविली होती. मात्र, उपमहापौर सचिन चिंचवडे यांचे वाढदिवसानिमित्तचे बहुतांशी अनधिकृत फ्लेक्‍स चार दिवसांपासून शहरभर झळकत आहेत. त्यांच्याकडे मात्र, महापालिका प्रशासनाचे दुर्लक्ष होत आहे. हे फ्लेक्‍स अनधिकृत असल्यास, त्यांच्यावर कारवाई केली जाईल, अशी माहिती आयुक्त श्रावण हर्डीकर यांनी पत्रकारांना दिली.