गुन्हेगारीवर अंकुश कधी?

पिंपरी-चिंचवड शहराचा वाढता विस्तार व वाढती गुन्हेगारी पाहून शहरात 15 ऑगस्ट रोजी पोलीस आयुक्तालय सुरु करण्यात आले. मात्र या आयुक्तालयाला पुरेसे मनुष्यबळ व साधन सामग्रीचा पुरेसा पुरवठा अद्यापही झालेला नाही. त्यामुळे शहरात आयुक्तालय तर आले पण पोलीस संख्याबळ नाही. तर दुसऱ्या बाजूला शहरात होणारे गुन्हे देखील आयुक्तालयाच्या स्थापनेच्या एक महिन्यानंतर पुन्हा डोके वर काढू लागले आहेत. वाढत्या गुन्ह्यांचे प्रमाण पाहता स्वतंत्र पोलीस आयुक्तालय स्थापन करुन काय साध्य झाले, असा प्रश्‍न उपस्थित होत आहे.