पुणे-नाशिक महामार्गावरील वाहतूक कोंडीतून होणार सुटका

राजगुरुनगर - पुणे-नाशिक महामार्गावरील खेड घाट आणि नारायणगाव येथील साडेनऊ किलोमीटरच्या बाह्यवळण कामाची स्वतंत्र व अल्प मुदतीची निविदा शुक्रवारी प्रसिद्ध झाली. या कामासाठी ७५ कोटी रुपये राष्ट्रीय महामार्ग प्राधिकरणाकडून मंजूर झाले आहेत, असे खासदार शिवाजीराव आढळराव पाटील यांनी सांगितले. 
दरम्यान, येत्या अडीच ते तीन महिन्यांत हे काम पूर्ण होऊन खेड घाट आणि नारायणगावची वाहतूक कोंडीतून सुटका होणार आहे, असा दावाही त्यांनी केला.