मेट्रो स्टेशन एम्पायर पुलाकडे स्थलांतरीत करण्याची मागणी

चौफेर न्यूज – महापालिकेच्या समोरील कै. अण्णासाहेब मगर यांचा पुतळा आणि मनपा भवनाचे इलेव्हेशन अबाधित ठेवण्यासाठी मेट्रोचे मोरवाडीतील स्टेशन पुण्यश्लोक अहिल्यादेवी होळकर यांच्या पुतळ्याच्या बाजुला स्थलांतरित केल्याचा आक्षेप धनगर समाज बांधवांनी घेतला आहे. येथील मेट्रोचे स्टेशन पुढे एम्पायर इस्टेट पुलाच्या बाजुला स्थलांतरीत करण्यात यावे, अशी मागणी समाजाच्या वतीने नगरसेविका आशा शेंडगे यांनी केली आहे.