दापोडीत तासभर रास्ता रोको

पिंपरी – दापोडी परिसरातील पाणी पुरवठा गेल्या दीड वर्षांपासून विस्कळीत आहे. त्याच्या निषेधार्थ राष्ट्रवादी कॉंग्रेसच्या नगरसेवकांनी नागरिकांसह सुमारे तासभर रास्ता रोको केला. पाणी पुरवठा विभागाच्या अधिकाऱ्यांना घेराव घातला. आम्ही विरोधी पक्षाचे नगरसेवक असल्याने जाणीवपूर्वक कृत्रिम पाणी टंचाई निर्माण केली जात असल्याचा आरोप नगरसेवकांनी यावेळी केला.