‘रोजगार व व्यवसाय समूह ग्रुप योजनेद्वारे’ मिळणार हजारो बेरोजगारांना रोजगार!

पिंपरी (दि. ७ डिसें.) :-  शासनाने आधुनिक कारणासाठी मोठ्या उद्योगांना स्वयंचलित मशिनरी आयात करण्याची परवानगी दिली आणि उद्योगात वाढणाऱ्या रोजगार निर्मितीला अडथळे निर्माण केले. मोठ्या उद्योगात कामगार कपात, ठेकेदारी तत्वावर कामगार स्वीकारण्यास परवानगी दिल्याने कामगारांच्या बेरोजगारीत वाढ झालेली आहे. उद्योगातील रोजगार कमी झाला आहे. शासन हात झटकण्याचे काम करीत आहे. पुणे परिसरात सर्वात  जास्त महाविद्यालये आहेत. त्यातून लाखो मुले पदव्या घेऊन बाहेर पडतात. परंतु, या तरुण-तरुणींना रोजगारासाठी पुणे शहराच्या बाहेर जावे लागते. या परिस्थितीत लघु उद्योजकांसाठी काम करणारी फोरम ऑफ स्मॉल स्केल इंडस्ट्रीज असोसिएशन ही संघटना पुढे आली आहे.