शहरबात पिंपरी : पालथ्या घडय़ावर पाणी

पिंपरी महापालिकेत सत्तांतर झाले. तरीही वर्षांनुवर्षे असलेल्या त्याच समस्यांची जंत्री जशीच्या तशी आहे. कारभारी आमदारांनी महापालिकेच्या कामांचा आढावा घेतला, तेव्हा जुन्याच समस्या नव्याने चर्चिल्या गेल्या. आयुक्तांचे नियंत्रण नाही. पुढचे पाठ आणि मागचे सपाट, अशी अधिकाऱ्यांची मानसिकता आहे. आमदारांमध्ये एकवाक्यता आणि सातत्य नाही. त्यामुळे पालथ्या घडय़ावर पाणी अशीच परिस्थिती सध्या दिसून येते.