सफाई कर्मचाऱ्यांच्या आरोग्याकडे महापालिका, कंत्राटदारांचे दुर्लक्ष

पिंपरी – महापालिकेच्या अ व फ क्षेत्रीय कार्यालयाच्या हद्दितील कचरा वेचक कर्मचारी व कामगारांची वेळोवेळी आरोग्य तपासणी करण्यात आलेली नाही तसेच त्यांना सुरक्षा साधनेही पुरविण्यात आलेली नाहीत. कंत्राटदाराच्या हलगर्जीपणामुळे कचरा वेचक कामगारांचे आरोग्य धोक्‍यात आले आहे. त्यामुळे संबंधित कंत्राटदारावर कारवाई करण्यात यावी, अशी मागणी सामाजिक कार्यकर्ते दीपक खैरनार यांनी केली आहे.