विद्यापीठात लवकरच फूड मॉल

सावित्रीबाई फुले पुणे विद्यापीठातील विद्यार्थ्यांच्या सोयीसाठी फूड मॉल उभारण्याचा निर्णय विद्यापीठाने घेतला असून, विधी विभागाच्या इमारतीसमोरच्या मोकळ्या जागेत विविध प्रकारचे खाद्यपदार्थ उपलब्ध होणाऱ्या फूड मॉलची निर्मिती केली जाईल. येत्या सहा ते आठ महिन्यांत काम पूर्ण करण्याचा विद्यापीठाचा प्रयत्न आहे, अशी माहिती विद्यापीठाचे कुलगुरू डॉ. नितीन करमळकर यांनी दिली आहे.