पिंपरीत बीआरटी मार्ग ‘सर्वांसाठी’

पिंपरी : पिंपरी-चिंचवड शहरातील तीन मार्गावर पीएमपीच्या वतीने बीआरटी बस सेवा सुरू करण्यात आली आहे. या मार्गावर वाहतूक वॉर्डन नेमलेले असतानाही बीआरटी मार्गातून खासगी वाहनांची वाहतूक सर्रास होत आहे. प्रशासनाकडून त्यावर कोणतीही कारवाई केली जात नाही. कारवाईच्या मुद्दय़ावर महापालिका आणि पोलीस प्रशासन एकमेकांकडे बोट दाखवत असल्याने खासगी वाहन चालकांकडून बीआरटी मार्गाचा बेकायदा वापर केला जात आहे.