पुण्याची वाहतूक कधी सुधारणार रे..?

पुण्याची वाहतूक हा कायमच शहरातील चर्चेचा, वादाचा आणि नुसताच घोळ घालण्याचा विषय आहे. काहीही करा, रोज ऑफिसला जाताना आणि घरी येताना प्रत्येकाच्या कपाळावर आठ्याच असतात.. 

वाहनांना पुरतील एवढे रस्ते नाहीत.. असलेले रस्ते चांगले नाहीत आणि मुळातच वाहतुकीला शिस्त अजिबात नाही.. इथली पीएमपी रस्त्यात कधीही बंद पडू शकते आणि रिक्षावाले कुठे येतील अन कुठे नाही, हे कुणीच सांगू शकत नाही.. मेट्रोचं काम सुरू झालेलं दिसतंय.. पण रिंगरोड कुठे दृष्टीक्षेपातही नाही..