आणखी तीन बाधित ः 9 दिवसांत 14 जणांना लागण

दिल्लीहून आलेल्यांच्या संपर्कातील व्यक्तींना होतेय बाधा

पिंपरी, (प्रतिनिधी) -“करोना’चा प्रादुर्भाव दिवसें-दिवस वाढतच असून शुक्रवारी सायंकाळी हाती आलेल्या अहवालानुसार पिंपरी-चिंचवडमधील आणखी तीन जणांना करोनाची लागण झाल्याचे स्पष्ट झाले आहे. गेल्या नऊ दिवसांमध्ये करोनाचे नवे 14 रुग्ण आढळले आहेत. यामुळे शहरातील शुक्रवार सायंकाळपर्यत करोना बाधितांचा आकडा 26 वर जाऊन पोहचला आहे. त्यापैकी सुरुवातीच्या बारा जणांना बरे झाल्यामुहे डिस्चार्ज देऊन घरी सोडण्यात आले आहे. सध्या शहरातील रुग्णालयांमध्ये “करोना’चे 14 रुग्ण उपचार घेत आहे.b