लॉकडाउनमुळे रखडले कामगारांचे पगार

कंपनी कर्मचाऱ्यांना वाहन पास द्यावेत

पिंपरी – करोनाच्या प्रादुर्भाव रोखण्यासाठी संपूर्ण देश लॉकडाउन करण्यात आला आहे. त्यामुळे कंपनीचे कार्यालयीन कामकाजदेखील ठप्प झाले आहे. त्यामुळे कामगारांचे पगार करणे कठीण झाले आहे. तेव्हा प्रशासनाने याची दखल घेऊन कार्यालय उघडण्यासाठी परवानगी देऊन त्यांच्यासाठी वाहन पास द्यावेत. तसे कंपन्यांना अर्ज करण्यासाठी त्वरित लिंक तयार करावी, अशी मागणी पिंपरी चिंचवड लघुउद्योग संघटनेचे अध्यक्ष संदीप बेलसरे यांनी पिंपरी चिंचवड पोलीस आयुक्‍त संदीप बिष्णोई यांच्याकडे निवेदनाद्वारे केली आहे.