Coronavirus : किराणा मालाच्या भावात दहा टक्‍क्‍यांनी वाढ

मार्केट यार्ड - कोरोनाच्या धास्तीने माल वाहतुकीसाठी ड्रायव्हर व अन्य कर्मचारी मिळत नाहीत. वाहतुकदारांकडून माल वाहतुकीस टाळाटाळ केली जात आहे. परतीचे भाडेदेखील द्यावे लागत असल्याने वाहतूक खर्चात दुप्पट वाढ झाली आहे. यामुळे सध्या सर्वच किराणा मालाच्या भावामध्ये साधारणतः १० टक्‍क्‍यांपर्यंत वाढ झाल्याची माहिती दि पूना मर्चंट चेंबरचे अध्यक्ष पोपटलाल ओस्तवाल यांनी दिली आहे.