पुनरुज्जीवनासाठी ‘एचए’मध्ये ‘व्हीआरएस’

केंद्र सरकार राबविणार कामगार कपात, शेअर विक्रीचे धोरण

पिंपरी - गेल्या अनेक वर्षांपासून आर्थिक संकटात असलेल्या हिंदुस्तान अँटिबायोटिक्‍स (एचए) कंपनीला जीवदान देण्याबाबत केंद्र सरकारने हिरवा कंदील दाखविला आहे. मात्र, यासाठी कामगार कपातीचे धोरण राबविताना स्वेच्छानिवृत्ती (व्हीआरएस) लागू करण्याचा निर्णय घेतला आहे. तसेच काही प्रमाणात शेअर विक्रीद्वारे (स्ट्रॅटेजिक सेल) भागभांडवल उभारून कंपनी पुनरुज्जीवित करण्याचेही निश्‍चित केले आहे.