Friday 7 April 2017

पिंपरी 'एलबीटी'ची झेप

पिंपरी पालिकेच्या स्थानिक संस्था कर (एलबीटी) विभागाने आर्थिक वर्षांत १३९० कोटी रुपयांचे उत्पन्न मिळवले आहे. जकात रद्द झाल्यानंतरही एलबीटीच्या माध्यमातून पिंपरी पालिकेला मिळणाऱ्या उत्पन्नाचा आलेख सतत चढता राहिला आहे.

नवे कारभारी खर्चाला मंजुरी देणार?

पुणे - पुणे ते लोणावळा या दरम्यान उपनगरीय रेल्वे वाहतुकीसाठी तिसरा लोहमार्ग टाकण्याच्या कामाला कधी प्रारंभ होणार, याकडे रेल्वे प्रवाशांचे लक्ष लागले आहे. या मार्गासाठी ‘पीएमआरडीए’ने मान्यता देऊन या वर्षीच्या अर्थसंकल्पात तरतूददेखील केली आहे. या मार्गासाठी दोन्ही महापालिकांनीही निधीचा वाटा उचलणे अपेक्षित असून, नवे कारभारी या मार्गाच्या खर्चाला मंजुरी देणार का, यावरच या मार्गाच्या विस्तारीकरणाचे भवितव्य ठरणार आहे.  पुणे-लोणावळा या मार्गावर उपनगरीय रेल्वे सुरू करण्याचा मुंबई रेल्वे विकास कॉर्पोरेशनचा प्रस्ताव आहे. भूसंपादन वगळता या प्रकल्पासाठी २ हजार ३०६ कोटी रुपये खर्च अपेक्षित आहे.

प्रवाशांसाठी लवकरच "पीएमपी ई-कनेक्‍ट' ऍप

पुणे - शहरातील बस मार्गांच्या वेळापत्रकाची माहिती, हव्या असलेल्या मार्गांवर बस किती वाजता येणार, तिकीट दर किती आहेत, बसथांबे-आगार कुठे आहेत, तेथून बस कोणत्या मार्गांवर धावतात आदी उपयुक्त माहिती प्रवाशांना आता त्यांच्या मोबाईलवर "पीएमपी ई-कनेक्‍ट' या ऍपच्या माध्यमातून मिळणार आहे. येत्या 15 दिवसांत हे ऍप उपलब्ध होणार असल्याची माहिती पीएमपीचे अध्यक्ष आणि व्यवस्थापकीय संचालक तुकाराम मुंढे यांनी गुरुवारी दिली. 

वाहतूक कोंडी नित्याचीच

निगडी - येथील टिळक चौक हा पार्किंगचा स्पॉट बनला आहे. पदपथ हे विक्रेत्यांनी व्यापले असून रिक्षाचालकांची अरेरावी, वाहतूक पोलिसांची उदासीनता...ही सर्व या वाहतूक कोंडीची कारणे आहेत. विशेष म्हणजे आयुक्तांच्या आदेशाला केराची टोपली दाखवीत सारे काही राजरोस सुरू आहे.

एलईडी बल्ब खरेदीत पुणे अव्वल

पुणे - सामान्यांना परवडणाऱ्या दरात उपलब्ध होणारे आणि नेहमीच्या बल्बपेक्षाही पाच पट ऊर्जेची क्षमता असलेल्या एलईडी बल्ब खरेदीत पुणे जिल्हा राज्यात अग्रेसर ठरले आहे. ३१ मार्च २०१७ पर्यंत तब्बल २८, १०,७७५, तर ग्रामीण भागात ४,२१,१७७ एलईडी बल्बची खरेदी झाली आहे. जिल्ह्यातील तेरा तालुक्‍यांपैकी बारामती तालुक्‍यात ४, ८९, ६४४ बल्ब नागरिकांनी खरेदी केले असल्याची नोंद केंद्र सरकारच्या एनर्जी एफिशिअन्सी सर्व्हिस लिमिटेड (ईईएसएल) या कंपनी केली आहे.

अस्तित्व मॉल पालिकेच्या ताब्यात

पिंपरी - प्राधिकरणातील अस्तित्व मॉलच्या प्रवेशद्वाराजवळ आतील बाजूस खाद्यपदार्थ विक्रेत्यांनी केलेले अतिक्रमण गुरुवारी दुपारी ‘अ’ आणि ‘फ’ क्षेत्रीय कार्यालयांनी संयुक्त कारवाई करून हटविले. सुमारे दोन तास ही कारवाई चालली. मॉलला सील ठोकून महापालिकेच्या भूमी जिंदगी विभागाने त्याचा ताबा घेतला. 

काळेवाडी सीसीटीव्हीचे वीजमीटरच काढून नेले

पिंपरी - पिंपरी-चिंचवड महापालिकेने पुणे पोलिसांच्या साहाय्याने गुन्हेगार, बेशिस्त चालक, सोनसाखळीचोर व वाहतूक कोंडीवर नियंत्रण ठेवण्यासाठी शहरातील संवेदनशील भागात सीसीटाव्ही कॅमेरे बसविले आहेत. मात्र, वीजपुरवठ्याचे महापालिकेने बिल थकविल्याने महावितरणने काळेवाडीतील सीसीटीव्ही कॅमेऱ्याचे वीजमीटर काढून नेल्याने ते महिन्यापासून बंद असल्याची धक्कादायक माहिती समोर आली आहे.