दुसर्‍या दिवशी कारवाई ठप्प

दुसर्‍या दिवशी कारवाई ठप्प: गजानननगरमध्ये आंदोलन यशस्वी झाल्याची भावना
भोसरी । दि. ९ (वार्ताहर)
अनधिकृत बांधकामविरोधी पथकाच्या विरोधात दिघीमध्ये बुधवारी उद्रेक झाल्यामुळे लोकप्रतिनिधींसह प्रशासनही हडबडून गेले. आंदोलकांनी प्रसंगी अंगावर बंदुकीच्या गोळ्या झेलू; पण बांधकामे पाडू देणार नाही, अशी भूमिका घेतल्याने मोहीमेस प्रखर विरोधाची शक्यता बळावली आहे. याचाच परिणाम म्हणून दिघीत आज कारवाई झाली नाही. यामुळे आपले आंदोलन यशस्वी झाल्याची भावना गजानननगरमध्ये होती.