पीएमपी तिकीट रुपयाने महागले

पीएमपी तिकीट रुपयाने महागले: पुणे। दि. २५ (प्रतिनिधी)

महापालिकेच्या अर्थसंकल्पात पुणेकरांवर लादलेल्या ६ टक्के करवाढीच्या बोजासह आता पीएमपीच्या तिकीट दरवाढीचा फटकाही सामान्यांना बसणार आहे. डिझेल दरवाढीमुळे सप्टेंबर महिन्यात केलेल्या तिकीट दरवाढीनंतर आज संचालक मंडळाच्या बैठकीत दुसर्‍या टप्प्यापासून प्रत्येक टप्प्याला १ रुपया तिकीट दरवाढीला मान्यता देण्यात आली.

पीएमपीएमएलच्या स्वारगेट येथील मुख्यालयात झालेल्या संचालक मंडळाच्या बैठकीत हा निर्णय घेण्यात आला असून, हा प्रस्ताव प्रादेशिक परिवहन प्राधिकरणाला पाठविण्यात येणार आहे. पहिल्या टप्प्याला ५ रुपये तिकीट दर कायम ठेवण्यात आला आहे. दुसर्‍या टप्प्यापासून १ रुपया दरवाढ केली आहे.