अभियंत्यास खडी फेकून मारली

अभियंत्यास खडी फेकून मारली: वाकड । दि. १३ (वार्ताहर)

निकृष्ट दर्जाची खडी भरलेला ट्रक रद्द करून खाली करू न दिल्याचा राग मनात धरून येथील एका गाववाल्या खडी सप्लाय करणार्‍या व्यावसायिकाने गुणवत्ता अभियंत्यासह साईटवरील अधिकार्‍यांना धमकी देत शिवीगाळ करीत तोंडावर खडी फेकून मारली. याप्रकरणी सुधीर हिंगडे (रा. माणगाव) याच्या विरु द्ध हिंजवडी पोलिसांनी गुन्हा दाखल केला.

अभियंते वेंकटकोटी वेंकटेश्‍वरा चेन्नोरी (२८) यांनी दिलेल्या फिर्यादीनुसार माण फेज-तीन येथील प्लान्टवर १0 तारखेला दुपारी खडी भरलेला ट्रक आला. खडी निकृष्ट दर्जाची असल्याचे लक्ष् ात आल्याने चेन्नोरी यांनी ट्रक खाली करण्यास नकार दर्शविला. त्यामुळे हिंगडे यांनी चेन्नोरी यांच्यासह प्लांटप्रमुख मुख्तार खान, इलेक्ट्रिशियन सचिन पवार, रफिउद्दीन खान यांना शिवीगाळ केली. खान यांची गचांडी पकडून ट्रक खाली करून घे अन्यथा परिणाम वाईट होतील असा दम दिला, प्रोजेक्टकडे जाणार्‍या कॉन्क्रीटच्या मिक्सर गाड्या अडविल्या.