मोकाट जनावरांमुळे अपघातांना आमंत्रण

मोकाट जनावरांमुळे अपघातांना आमंत्रण: रहाटणी । दि. ११ (वार्ताहर)

केंद्र शासनाचा बेस्ट सिटी अँवॉर्ड मिळालेल्या पिंपरी-चिंचवड शहरात वाहतूक कोंडी, मोकाट जनावरांचे कळप यामुळे वाहनचालकांना कसरत करावी लागत आहे.मोकाट जनावरांचे कळपच्या कळप शहरात ठिकठिकाणी वावरत असताना पालिकेचा पशुवैद्यकीय विभाग मात्र डोळेझाक करीत असल्याने शहरवासीय नाराजी व्यक्त करीत आहेत. मोकाट जनावरांचा लवकरात लवकर बंदोबस्त करण्याची मागणी जोर धरू लागली आहे. शहरात वाहतूककोंडीच्या समस्येने वाहनचालक हैराण आहेत. अनेक भागात रस्त्याचे काम सुरू असल्याने वाहतूककोंडी होत आहे. काही मुख्य चौकांत मोकाट जनावरे फिरत असल्याने त्यात भर पडते. ही जनावरे घोळक्याने भर रस्त्यात उभी असतात.