नाशिक फाटा चौकात खड्डे, पाण्याने गैरसोय

नाशिक फाटा चौकात खड्डे, पाण्याने गैरसोय: पिंपरी : कासारवाडी येथील नाशिक फाटा चौकात पावसामुळे रस्त्यांवर पाणी सांचून खड्डे पडल्याने रस्त्यांची दुरावस्था झाली आहे. अगोदर अरुंद असलेल्या या चौकात वर्दळीच्या वेळी कोंडी होत आहे. त्यामुळे वाहनचालक वैतागले आहेत.

चौकात दुमजली उड्डानपुलाचे काम सुरू आहे. त्यामुळे येथील रस्ते अरुंद झाले आहेत. जोरदार पावसामुळे येथे पाणी सांचून जागोजागी खड्डे पडले आहेत. सांचलेले पाणी व खड्डयातून वाहन नेताना चालकांना कसरत करावी लागत आहे. तसेच येथील लोखंडी झाकणे खचलेल्या स्थितीत असल्याने एकादे जड वाहन त्यात पडून दुर्घटना होण्याची शक्यता आहे.