फुटबॉलची धमाल

- पिंपरीतील एचए मैदान : जोरदार पावसात 

पिंपरी : संततधार पावसामुळे चिखलमय मैदानात फुटबॉल खेळाचा आनंद लुटणार्‍या मुलांचा आनंद काहीऔरच असतो. पावसात भिजत चिखलात घसरुन पडत फुटबॉल खेळ चांगलाच रंगतो आहे. चिखलात माखलेली मुले शहरातील मैदानात दिसत आहेत. 
सध्या शहरामध्ये जोरदार पाऊस सुरू आहे. पावसामुळे मैदानात पाणी साचून चिखल झाला आहे. साप्ताहिक सुटीचा रविवारचा दिवस मजा लुटली जात आहे. पाणी व चिखलात मुले, तरुण तसेच प्रौढही फुटबॉल खेळण्याचा मनसोक्त आनंद लुटत आहेत. सोमवारपासून सुब्रतो मुखर्जी चषक आंतरशालेय फुटबॉल स्पर्धा सुरू होत आहे. त्याचा सराव जोरात सुरू आहे.