अकरावी प्रवेशाची यादी १५ जुलैला

पुणे : शहर व पिंपरी-चिंचवड परिसरातील कनिष्ठ महाविद्यालयातील इयत्ता अकरावीच्या प्रवेशासाठी अकरावी प्रवेश समितीतर्फे सुरू असलेले केंद्रीय प्रवेशप्रक्रियेचे काम पूर्ण होत आले आहे. येत्या १५ जुलै रोजी इयत्ता अकरावीची कला, वाणिज्य व विज्ञान शाखेच्या विद्यार्थ्यांची अंतिम गुणवत्ता यादी शिक्षण उपसंचालक कार्यालयाच्या संकेतस्थळावर प्रसिद्ध केली जाणार आहे.