५२ किलो चांदी हस्तगत करण्यात यश

पिंपरी : थेरगाव येथे सराफी पेढी फोडण्याच्या प्रयत्नात असलेल्या चोरट्यांना हिंजवडी आणि काळेवाडी बीट मार्शलने अटक केली आहे. चोरट्यांनी चुकीची नावे सांगूनही हिंजवडीचे पोलीस कर्मचारी राजू दोरगे यांच्या चाणाक्ष नजरेतून हा खोटारडेपणा लपू शकला नाही. कासारवाडीतील रमेश ज्वेलर्स या दुकानातून ऐवज चोरणारे आरोपी हेच असल्याची उकल त्यांनी केल्यामुळे चोरट्यांकडून ५२ किलो चांदी जप्त करण्यात पोलिसांना यश आले आहे.