बये.. यांच्या नशिबाचे दार उघडणार कधी!

पिंपरी : हातात आसूड, वाढलेले केस, कपाळावर मळवट, निरागस चेहरा, उघडे शरीर असा ‘पोतराज’चा वेश परिधान करून लहान मुले पैसे मागत असल्याचे मन पिळवटून टाकणारे चित्र शहरात सध्या पहायला मिळते. पोटाची खळगी भरण्यासाठी 
पालकच स्वत:च्या मुलांना पैसे मागण्यासाठी पाठवित असल्याचेही निदर्शनास आले. मरीआईच्या फेर्‍यापासून गावाला वाचविण्यासाठी पोतराज बये दार उघड असं म्हणतात. परिस्थितीने गांजलेल्या आणि महागाईने होरपळलेल्या या पोतराजांच्या नशीबाचं दार कधी उघडणार! असा प्रश्न उपस्थित होतो.