रस्ते, चौक विक्रेत्यांसाठीच

पिंपरी : रस्त्यावरून बालक स्वयंचलित छोटी गाडी चालवित आहे.., त्याच्या मागे अवजड वाहन.., रस्त्यावर विक्रेत्यांची गर्दी.., हा प्रसंग काही चित्रपटातील नाही, तर निगडीतील भक्ती-शक्तीजवळ रोज सायंकाळी दिसणारे चित्र आहे. भक्ती शक्तीच नाही तर निगडीतील बहुतांशी चौकांत विक्रेत्यांनी अतिक्रमण केल्याने वाहतुकीची सतत कोंडी होत आहे. तसेच किरकोळ अपघातांचे प्रमाण वाढले आहे.