डॉ. नीलम गो-हे यांनी केले 'सारथी'चे कौतुक

पिंपरी-चिंचवड महापालिकेच्या वतीने नागरी सुविधांची माहिती देण्यासाठी सुरु करण्यात आलेल्या सारथी प्रणालीचे शिवसेना उपनेत्या आमदार डॉ. नीलम गो-हे यांनी आज (सोमवारी) भरभरुन कौतुक केले. शिवसेनेच्या ताब्यात असलेल्या स्थानिक स्वराज्य संस्थांमध्ये हा उपक्रम राबविण्यासाठी पक्षाचे कार्यकारी प्रमुख उद्धव ठाकरे यांच्याशी चर्चा करणार असल्याचेही त्यांनी सांगितले.