बदली रद्दसाठीचे आंदोलन तीव्र

- आयुक्तांना वाढते सर्मथन : सर्वपक्षीयांचा सहभाग, सुटीमुळे नागरिकांचा वाढला प्रतिसाद
सत्ताधार्‍यांविरोधात जोरदार घोषणाबाजी
सामाजिक कार्यकर्ते, नागरिकांचा उत्स्फूर्त सहभाग 
निदर्शने, सह्यांची मोहीम, कॅण्डल मार्च, दुचाकी फेरी

पिंपरी : महापालिका आयुक्त डॉ. श्रीकर परदेशी यांच्या बदली विरोधातील संतापाची लाट अधिक व्यापक होत असल्याचे रविवारी झालेल्या आंदोलनातून स्पष्ट झाले. अधिक तीव्र होत असलेल्या आंदोलनात बदली रद्द करण्यासाठी नागरिक व राजकीय पक्षांचे जोडे बाहेर ठेवून कार्यकर्ते सहभागी झाले आहेत. दुसर्‍या दिवशीही निदर्शने, फेरी, कॅण्डल मार्चद्वारे बदलीचा निषेध नोंदविण्यात आला. सत्ताधार्‍यांच्या विरोधात जोरदार घोषणाबाजी झाली.