निवडणूक निकाल ‘एलसीडी’वर

पिंपरी : मतदानासाठी अत्याधुनिक यंत्रणेचा अवलंब केला जात असताना, मतमोजणीवेळी निकाल जाहीर करण्यासाठी खर्चिक असूनही अशीच यंत्रणा वापरण्याचा निर्णय निवडणूक आयोगाने घेतला आहे. मावळ लोकसभा मतदारसंघातील मतमोजणीची तयारी अंतिम टप्प्यात आली आहे. १६ मे रोजी होणार्‍या या मतमोजणीचा निकाल दुपारी बारापर्यंत जाहीर होणे अपेक्षित आहे. या वेळी प्रथमच मतमोजणीचा फेरीनिहाय निकाल पाहण्यासाठी मतमोजणी केंद्रांच्या ठिकाणी एलसीडी स्क्रीन लावले जाणार आहेत, अशी माहिती निवडणूक निर्णय अधिकारी तानाजी शिंदे यांनी दिली.