शर्टला इस्त्री अन् पॅटीस फ्री !

मतदानाची टक्केवारी वाढावी. मतदान न करणा-या व्यक्तींना मतदानाचे महत्त्व पटवून द्यावे. यासाठी सर्व स्तरातून प्रयत्न करण्यात येत आहेत.  सोशल मिडीयाद्वारे मतदान करण्याचे आवाहन करण्यात येत आहे. आता यामध्ये विविध व्यावसायिकांनीही मतदारांना आकृष्ट केले आहे. पिंपरी-चिंचवड शहर लॉन्ड्री संघटनेच्या वतीने मतदान करा आणि एक शर्ट मोफत इस्त्री करून घ्या अशी योजना जाहीर केली. तर न्यू पुना बेकरीतर्फे मतदान करणा-या नागरिकांना दोन पॅटीसच्या खरेदीवर एक पॅटीस फ्री देण्याची ऑफर देऊ केली.  या दोन्ही योजनांना मतदारांनी उत्स्फूर्त प्रतिसाद दिला.