आठवड्यातून एक वेळ शहराचा पाणीपुरवठा बंद

पिंपरी : पाणी समस्येबाबत नागरिकांच्या तक्रारी वाढल्या असून त्यावर उपाययोजना म्हणून आठवड्यातून एकदा काही भागातील सायंकाळचा पाणीपुरवठा बंद ठेवण्याचे नियोजन केले आहे. ऐन उन्हाळ्यात पाणी समस्या आणखी गंभीर होऊ नये, यासाठी पाणीपुरवठा वेळापत्रकात महापालिकेने बदल केले आहेत. त्यामुळे काही भागात दोनऐवजी एकचवेळ पाणीपुरवठा होणार आहे, असे पाणीपुरवठा विभागाने कळविले आहे. या सुधारित वेळापत्रकानुसार २१ एप्रिलपासून पाणीपुरवठा यंत्रणा कार्यान्वित होणार आहे.