मतदान करूनच सहलीला जाऊ..!

पुणे : ‘मतदार राजा जागा हो’ अशी हाक देण्याची वेळ आता राहिलेली नसून जागृत झालेला मतदार स्वत:हून मतदानाकरिता पुढाकार घेत आहे. शासकीय सुटी आणि शनिवार-रविवारची जोडून सुटी आल्याने सहलीला जाण्याआधी मतदान करण्याकडे जास्त ओढा असणारे वातावरण पुण्यामध्ये निर्माण झाले आहे. महाराष्ट्र राज्य परिवहन महामंडळ आणि खासगी ट्रॅव्हल्सची आरक्षणे १७ तारखेपेक्षा १८ एप्रिल रोजी मोठय़ा प्रमाणात झाली असून, मतदानाच्या दिवशी एसटीच्या ५0 टक्के फेर्‍या कमी होण्याची शक्यता आहे.