कत्तलखान्याच्या नियोजित जागेस मंजुरीसाठी शासनाला साकडे

पिंपरीतील कत्तलखाना नवीन जागेत स्थलांतरीत करावयाचा आहे. त्यासाठी पिंपरी-चिंचवड महापालिकेने कत्तलखान्यासाठी निवडलेल्या जागेला नदी प्रतिंबधक क्षेत्र (आरआरझेड) समितीने मान्यता देण्यास नकार दिला आहे. त्यामुळे महापालिकेने पर्यायी जागा नसल्याचे कारण पुढे करत विशेष बाब म्हणून या जागेला मंजुरी मिळावी, यासाठीचा प्रस्ताव राज्य सरकारकडे पाठविण्यात आला आहे, असे आयुक्त राजीव जाधव यांनी सांगितले.