वेश्याव्यवसायास प्रवृत्त केल्याप्रकरणी चौघांना अटक

हॉटेल व्यवस्थापकसह चौघांवर विनयभंगाचा गुन्हा
मैत्रिणीच्या कुटुंबियांसह हॉटेलात जेवणासाठी आलेल्या महिलेला वेश्या व्यवसायासाठी प्रवृत्त केल्याप्रकरणी भोसरी पोलिसांनी हॉटेल व्यवस्थापकासह चौघांना अटक केली. ही घटना भोसरी-आळंदी रस्त्यावरील पिरॅमिड हॉटेलमध्ये शनिवार (दि.3) रोजी दुपारी साडेतीनच्या सुमारास घडली. या प्रकारणाचा जाब विचारण्याच्या कारणावरुन हॉटेल व्यवस्थापकासह तीन वेटरने महिलेसह तिच्या मैत्रिणीच्या कुटुंबियांना बेदम मारहाण केली. हे हॉटेल एका आमदाराच्या नातेवाईकाचे असल्याने पोलिसांनी कारवाई करताना हात आखडता घेतल्याची चर्चा आहे.