खासदार बारणे यांच्यावर सर्वपक्षीय नगरसेवकांचा अभिनंदनाचा वर्षाव

नवनिर्वाचित खासदार श्रीरंग बारणे यांचा आज (मंगळवारी) महापालिकेच्या सर्वसाधारण सभेत महापौरांच्या हस्ते सत्कार करण्यात आला. यावेळी सभागृहातील सर्वपक्षीय नेते व नगरसेवकांनी त्यांच्या सहवास व मार्गदर्शनाबाबत भावना व्यक्त केल्या. तर दिल्लीत सत्ताधारी पक्षाचे खासदार असताना उद्योगनगरीच्या प्रश्नांची सोडवणूक करण्याची विनंतीही अनेकांनी केली. तर मी काम करणारा कार्यकर्ता आहे, सुडाचं राजकारण करणारा नेता नाही, अशा शब्दात आपल्या भावना सर्वांसमोर मांडल्या.