देहूरोड-निगडी रस्ता गायब

शिळफाटा ते निगडी हा रस्ता चौपदरी करताना देहूरोड ते निगडी हा रस्ता दोनपदरी ठेवून कागदोपत्री हा रस्ता चौपदरी दाखविण्यात आल्याचा आरोप देहूरोड येथील माहिती अधिकार कार्यकर्ते डॉ. शालक अगरवाल यांनी केला आहे. त्यांनी याबाबत मिळविलेल्या कागदपत्रांद्वारे तक्रार केल्यावर लाचलुचपत प्रतिबंधक विभागाने याची चौकशी सुरू केली आहे. सीबीआय-एसीबीने देखील याबाबत कागदपत्रांची तपासणी केली आहे. विशेष म्हणजे डॉ. अगरवाल यांनी हा रस्ताच चोरीला गेल्याची तक्रार पुणे पोलीस अधीक्षकांकडेदेखील केली होती.