भाजपची 'शिक्षण मंडळ बचाव' मोहीम

समर्थकांची दुधाची तहान ताकावर भागविण्याचा करणार प्रयत्न....
महापालिका शिक्षण मंडळाचा कार्यकाल सपुष्टात आला असून न्यायालयाच्या आदेशानुसार ते लवकरच बरखास्त होणार आहे. मात्र, पराभूत व उमेदवारीत डावल्यामुळे नाराज झालेल्या सर्मथकांसाठी भाजपने 'शिक्षण मंडळ बचाव' मोहीम सुरू केली आहे. भाजपमधील आमदार 'भाऊ'आणि 'दादां'नी आपआपल्या सर्मथकांना शिक्षण मंडळांवर नियुक्तीची आश्‍वासने दिली आहेत. तर, मुख्यमंत्र्यांनीही शिक्षण मंडळ जिवंत करण्याचा शब्द दिला असल्याची चर्चा भाजपच्या गोटात सुरू आहे.