बीआरटीएस मार्ग दुचाकींसाठी खुला

पिंपरी - मुंबई-पुणे महामार्गावरील निगडी ते दापोडी दरम्यानचा बीआरटीएस मार्ग फक्‍त दुचाकी वाहनांसाठी सोमवारपासून (ता.20) खुला करण्यात आला.

आमदार लक्ष्मण जगताप यांनी निगडी ते दापोडी हा बीआरटीएस मार्ग दुचाकीसाठी खुला करण्याची मागणी आयुक्त दिनेश वाघमारे यांच्याकडे केली होती. त्यानुसार, आयुक्त वाघमारे यांनी हा मार्ग दुचाकींसाठी खुला करण्याचे आदेश अधिकाऱ्यांना दिले होते. वाहनचालकांची होणारी गैरसोय लक्षात घेऊन बीआरटी बससेवा सुरू होईपर्यंत हा मार्ग दुचाकी वाहनांसाठी खुला राहणार आहे.