‘पीएमपी’ची सेवा प्रवासीकेंद्रित करणार - तुकाराम मुंढे

पुणे - ‘‘प्रवासीकेंद्रित आणि व्यावसायिक दर्जाची पीएमपीची सुविधा पुणे आणि पिंपरी-चिंचवडमधील प्रवाशांना मिळेल, अशा पद्धतीने कारभार करणार आहे,’’ अशी ग्वाही पीएमपीचे नवनियुक्त अध्यक्ष आणि व्यवस्थापकीय संचालक तुकाराम मुंढे यांनी बुधवारी दिली. प्रवाशांच्या मागणीनुसार आणि पीएमपीच्या हितानुसारच दैनंदिन कारभारात निर्णय घेऊन त्यांची वेगाने अंमलबजावणी केली जाईल, असेही त्यांनी स्पष्ट केले. तसेच दोन्ही शहरांत बीआरटीच्या मार्गांचा विस्तार करण्याचे सूतोवाच त्यांनी केले.