हातगाड्या, बेशिस्त पार्किंगमुळे कोंडी

पिंपरी - रस्त्यावर भाजी मंडई भरत असल्याने १६ नंबर चौक कायमच गुदमरलेला. भाजी विक्रीसाठी थेट रस्त्यावर लावल्या जाणाऱ्या हातगाड्या, भाजीपाला खरेदीसाठी होणारी गर्दी, ग्राहकांकडूनही रस्त्यावरच केले जाणारे बेशिस्त पार्किंग आणि त्यातून होणारी वाहतूक कोंडी, ही येथील मुख्य समस्या. दररोज सायंकाळी होणाऱ्या या अतिक्रमणांमुळे वाहतूक तसेच कायदा व सुव्यवस्थेचा अक्षरशः बोजवारा उडतो. पिंपरी-चिंचवड महापालिकेची उदासीनता आणि वाहतूक पोलिसांचे दुर्लक्ष यामध्ये सर्वसामान्य नागरिक मात्र भरडला जात आहे. या बेशिस्तपणाला आळा घालावा, अशी येथील नागरिकांची आग्रही मागणी आहे.