[Video] रिंगरोड बाधितांचे भर पावसात पिंपरीत उपोषण

कालबाह्य रिंगरोड रद्द करणे, घरे नियमित करावीत, पिंपरी-चिंचवड नवनगर प्राधिकरण बरखास्त करण्यात यावे, 100 टक्के शास्तीकर माफ करावा अशा विविध मागण्यांसाठी रिंगरोड बाधित नागरिक आज (गुरुवारी) पिंपरीत भर पावसात एकदिवसीय लाक्षणिक उपोषणाला बसले आहेत. पिंपरीतील डॉ. बाबासाहेब आंबेडकर पुतळा चौकात सकाळी नऊ वाजल्यापासून उपोषणाला सुरुवात झाली आहे. उपोषणात मोठ्या प्रमाणात नागरिक सहभागी झाले आहेत. यामध्ये महिलांची संख्या लक्षणीय आहे.