भोसरीत जिल्हास्तर शालेय कुस्ती स्पर्धा सुरू

पिंपरी– पिंपरी-चिंचवड महापालिका आणि जिल्हा क्रीडा परिषदेच्या वतीने आयोजित केलेल्या जिल्हास्तर शालेय कुस्ती स्पर्धेला मंगळवारी (दि.22) भोसरीतील महेशदादा स्पोर्टस्‌ फाऊंडेशन येथे सुरुवात झाली. महापौर नितीन काळजे व भोसरी तालीम संघाचे वस्ताद किसनराव लांडगे यांच्या हस्ते या स्पर्धेला सुरुवात झाली. यावेळी क्रीडा समिती सभापती लक्षमण सस्ते, ई प्रभाग अध्यक्षा भीमाताई फुगे, ह प्रभाग अध्यक्ष अमर कांबळे, नगरसेवक संतोष लोंढे, नितीन लांडगे, सागर गवळी, सोनाली गव्हाणे आदी उपस्थित होते. भोसरी तालीम संघाचे वस्ताद कालीदास लांडगे, बाळसाहेब लांडगे, हिरामण लांडगे, पितांबर शिंदे यांनी खेळाडूंना मार्गदर्शन केले. स्पर्धेचे संयोजन पिंपरी-चिंचवड कुस्तीगीर संघटनेचे उपाध्यक्ष पोपटराव फुगे, सचिव धोंडीबा लांडगे, संतोष माचुत्रे, मनोज दगडे, विजय कुटे, सचिन खांदवे, प्रशांत उबाळे यांनी केले. अनिल मगर यांनी प्रस्ताविक केले. विश्‍वास गेंगजे यांनी सूत्रसंचालन केले. क्रीडा अधिकारी रज्जाक पानसरे यांनी आभार मानले.