आरोग्य विभागातील डिझेल घोटाळ्याप्रकरणी आयुक्‍तांच्या आदेशाची पायमल्ली

चौफेर न्यूज – पिंपरी-चिंचवड महापालिका आरोग्य विभागातील ‘ड’ क्षेत्रीय कार्यालयात अधिकारी व कर्मचाऱ्यांनी धुरीकरणासाठी जादा डिझेल वापरून सुमारे सव्वा लाख लिटरचा घोटाळा केला होता. या डिझेल घोटाळ्यातील १४ अधिकारी व कर्मचाऱ्यांकडून ५४ लाख १६ हजार ९७२ रुपये वसूल करण्याचा आदेश आयुक्‍त श्रावण हर्डीकर यांनी पाच महिन्यापूर्वी दिला होता. मात्र, मुदत संपुनही त्यापैकी कोणीही पैसे भरलेले नाहीत.