तुकाराम मुंढेंना पुन्हा जीवे मारण्याच्या धमकीचे पत्र

पुणे (प्रतिनिधी):- पुणे महानगर परिवहन महामंडळाचे (पीएमपीएमएल) व्यवस्थापकीय संचालक तुकाराम मुंढे यांना पुन्हा एकदा धमकीचे पत्र मिळाले आहे. यापूर्वी नाव असलेल्या भुजंगराव मोहिते याच व्यक्तीच्या नावाने हे पत्र पाठवण्यात आले आहे. मागील पत्रापेक्षा आज पाठवलेल्या पत्रातील भाषा ही अधिक तीव्र स्वरूपाची असून, मुंढे यांच्यासह कुटुंबाला जीवे मारण्याची धमकी देण्यात आली आहे. हिंदी आणि मराठी मिश्रित भाषेतील हे पत्र पोस्टाद्वारे पीएमपीएमएल कार्यालयात पोचले. या विरोधात पीएमपीएमएल प्रशासनाने स्वारगेट पोलिस ठाणे आणि पुणे पोलिस आयुक्तांना पत्र दिले आहे.