पिंपरी महापालिकेच्या वर्धापनदिनानिमित्त सांस्कृतिक कार्यक्रमांचे आयोजन

पिंपरी-चिंचवड महापालिकेचा पुढील महिन्यात ११ ऑक्टोबर रोजी ३५ वा वर्धापनदिन साजरा केला जाणार आहे. त्यानिमित्त महापालिकेच्या वतीने विविध सांस्कृतिक कार्यक्रमांचे आयोजन केले जाणार आहे. शहरातील गुणवंत कामगारांचा आणि उल्लेखनीय कामगिरी करणाऱ्या उद्योजकांचा सत्कार, महापालिकेचे अधिकारी व कर्मचाऱ्यांसाठी विविध क्रीडा स्पर्धांचे आयोजन तसेच विविध सांस्कृतिक कार्यक्रमाचे आयोजन करण्यात आले आहे. महापौर नितीन काळजे यांच्या अध्यक्षतेखाली महापालिकेत प्रमुख पदाधिकाऱ्यांची बैठक झाली.