लष्कराच्या रस्त्यांबाबत आमदार, पक्षनेत्यांचे संरक्षणमंत्री सितारमन यांना साकडे

पिंपरी-चिंचवडमधील लष्कराच्या हद्दीत येणाऱ्या विविध रस्त्यांच्या जागांच्या हस्तांतरणाचा प्रलंबित प्रश्न, बोपखेल गावासाठी मुठा नदीवर कायमचा पूल बांधणे आणि पिंपळेसौदागरमधील लष्कराच्या हद्दीतील रस्त्याचा प्रश्न सोडवण्याच्या मागणीसाठी भाजप शहराध्यक्ष व आमदार लक्ष्मण जगताप व पक्षनेते एकनाथ पवार यांनी संरक्षणमंत्री निर्मला सितारमन यांची गुरूवारी (दि. २८) दिल्लीत भेट घेऊन निवेदन दिले. येत्या पंधरा दिवसांत पुणे दौऱ्यावर येणार असून, त्यावेळी बोपखेल आणि पिंपळे सौदागर परिसराची प्रत्यक्ष पाहणी करून प्रश्न सोडवण्याचे आश्वासन संरक्षणमंत्री सितारमन यांनी दिले.