सत्तेसाठी ते हपापलेले - अजित पवार

पिंपरी - ‘‘राष्ट्रवादी काँग्रेसमध्ये असताना मी त्यांना पदे दिली. त्यांना मोठे केले. आता ते तिकडे गेले. त्यांचे ध्येय विकास नाहीच. माझ्याएवढे पटकन निर्णय आता होत नाहीत. ते निव्वळ सत्तेला हपापलेले लोक आहेत. दिवस बदलतील. त्या वेळी हे लोक कोठे असतील, ते पहा. तेव्हा विचारा,’’ असे सांगत माजी उपमुख्यमंत्री अजित पवार यांनी विरोधकांना धारेवर धरले. शहराचा विकास थांबला आहे का, असा प्रश्‍न विचारला असता, पवार यांनी शहरातील आमदारांची नावे न घेता या शब्दांत टीकास्त्र सोडले.