पेशवे पार्कमध्ये उभारणार मेट्रोचे इन्फॉर्मेशन सेंटर

पुणे - शहरातील मेट्रोच्या प्रकल्पांची माहिती नागरिकांना व्हावी, यासाठी गेले सहा महिने महापालिकेची मनधरणी करणाऱ्या ‘महामेट्रो’ला अखेर यश मिळाले आहे. पेशवे पार्कमध्ये मेट्रो इन्फॉर्मेशन सेंटर स्थापन करण्यास महापालिकेने मंजुरी दिली आहे. संभाजी उद्यानाची जागा मात्र त्यांना मिळालेली नाही. त्यामुळे आता मंजुरी मिळालेल्या ठिकाणी महामेट्रो किती तत्परतेने हालचाल करते, यावर या सेंटरची उभारणी अवलंबून असेल.