कचरा प्रश्नावरून सत्ताधारी भाजपच्या विरोधात सभागृहात ‘फटाके’

पिंपरी (प्रतिनिधी):- पिंपरी चिंचवड महापालिकेच्या आज झालेल्या सर्वसाधारण सभेत सत्ताधारी भाजपच्या विरोधात चांगलेच फटाके वाजलेत. सत्तेत आलेले भाजप पहिल्या सहामाहीत सपशेल नापास झाले आहेत. त्यांच्यात आणि प्रशासनात नियोजनाचा अभाव आहे, पदाधिकार्यांना कचर्याचे गांभिर्य नाही असे सांगत कचर्याच्या प्रश्नावरून विरोधकांनी सत्ताधारी भाजपला चांगलेत धारेवर धरले. त्यात भाजपच्याच नगरसेवक राहूल जाधव आणि अभिषेक बारणे यांनी कचरा प्रश्नी आवाज उठवल्यामुळे सत्ताधार्यांना घरचा आहेर मिळाला.